Shillong, Risaw 24: Uwei u samla na ka shnong Nongkseh Block Five na ka thain Laimer u la ngam jyllop ha wah Lyngngam.
Une u samla u dei uba la tip kyrteng kum u Ricky Thangkhiew (21 snem ka rta).
La iathuh ba kane ka jingjia kala jia ha ka janmiet jong ka 23 tarik u Risaw 2025.
Mar sien ioh jingtip, ki Pulit ha ryngkat ka kynhun Search and Rescue Team na Shillong ka la hiar sha kane ka jaka bad kila ioh sei ia ka met jong une u samla.
La iathuh ba u samla Ricky ula hap sha Wah katba u dang ieng ban shah shondur bad ula shah rong syndon haka um bah.
U samla Ricky ula leit bam khana bad la ki paralok ba leit class lang ha Synod College, Shillong.
