Nongstoiñ, Ïaiong 26: Uwei u rangbah u ba la tip kyrteng kum u Moris Kharbani, u la ngam jyllop bad ïap noh ha ka wah Nonbah.
Kane ka jingjia kala jia ha ki bynta ba ju tip kum ka Wahriat, ka shnat kaba pynïasnoh lang hapdeng ka Wah Nondeiñ bad ka wah Nonbah.
La ong ba utei u rangbah ba la antad kumba 30 snem ei ei ka rta bad u ba ju shong ju sah ha Nonbah New Nongstoiñ, u dei ruh u ba trei ïa ka kam kum u nongkit daju u ba ka shnong trai ka dei na Umyïap West Khasi Hills District.
Ïa ka daw jong ka jingngam jyllop kat haduh mynta mynne ym pat lah ban tip.
Ki bor Pulit ki la ïoh ban sei noh ïa ka metïap jong utei u rangbah ka por kumba 1 baje ei ei nohphai sngi.
