Shillong, Jylliew 16 : Uwei u maji (nongking lieng), ula iap ngam jyllop ha ka sngi Nyngkong ha Wah Umngot, Dawki, West Jaintia Hills katba u dang pynshong lieng ia ki nongwan shangkai pyrthei.
Kane ka jingjia kala jia ha ka por 2:15 baje janmiet. Ia une u maji la tip kyrteng da u Amilson Surong ba na ka shnong Bakur.
Kat kum ka jingiathuh ki Pulit, u Amilson ula ioh pang kynsan kynsan ha ka por ba u dang king ia ka lieng ba shong ki nongwan shangkai bad kumta hi, ula hap shapoh ka wah bad ula ngam jyllop.
Lah ioh jingtip ba u Amilson u dei uba ju don ia ka jingpang epilepsy.
Ka kynhun ki Pulit ha ryngkat bad ki pulit Fire & Emergency Service bad ki seng kinglieng ka thain, kila pynlong ia ka jing ia wad ia une u maji bad lap ia ka met ha ka por 5:36 baje janmiet.
Ki bahaiing hasem kila kyrpad ia ki bor ka ain ba kin pyllait noh ia ka jingleh post mortem.
, ula iap ngam jyllop ha ka sngi Nyngkong ha Wah Umngot, Dawki, West Jaintia Hills katba u dang pynshong lieng ia ki nongwan shangkai pyrthei.){kind=link}