Guwahati, Jylliew 15 : U Myntri Rangbah ka Assam Himanta Biswa Sarma hynne ka sngi Palei, ula pynpaw ia ka jingangnud ban pynkylla ia ka Assam kum ka jaka pdeng ka pule dangle (Education Centre) ka Ri India.
U Himanta ula pynpaw ia kane haka Dorbar ba iakren halor ka jingpyntreikam ia ka National Education Policy 2020 aba long ha Assam ha AASC, Khanapara.
Haba ai jingkren, u Himanta ula kyntu ia ki shad ki jhad kot ba kin pyndonkam ia ki kyntien kiba suk ban sngewthuh haba batai halor ki kyndon jong ka NEP khnang ba ki samla pule kin ym shu kut ha ka jingbym sngewthuh.
Ula ong ruh “Ka dei ban don ruh ka jingpynbeit ba baroh ki University kin don ia kajuh ka curriculum, ki academic calendar, etc khnang bad ki samla pule bad ki Kmie Kpa kin hun ba ki khun kin ioh ia kajuh ka jinghikai.Ki University ki dei ruh bansdang pynrung klas noh ia ki samla pule UG ha ki campus jong ki”.
Ula pynpaw ba um kwah satia ban pynlong ia ka Assam tang kum ka jaka pdeng ka pule dangle jongka thain Shatei Lam Mihngi hynrei u kwah ba ka Assam kan long ka jaka pdeng ka pule puthi ha baroh ka thain mihngi ka Ri bad ka Ri baroh kawei.
“Ban pynurlong ia kane, ngi donkamm ba 50% na ki Univeristy jong ngi ba kin poi ka kyrdan Top 100” ula bynrap.
