Shillong, Nailur 04: Ka Nagaland bad ka Sikkim kin iakynduh ha ka Final jongka 1st Senior Women’s Interstate Friendship T20 Tournament, kaba la pynlong da ka North East Cricket Development Council bad ka Meghalaya Cricket Association.
Ia kane ka Final yn pynialehkai ha ka sngi Saitjain ha ka por 10 baje mynstep lada ailad ka suinbneng. Ia ka Live Scores bad ka Livestream jong ka jingiakhun lah ban buddien na ka cricheroes.in.
Ia ki ar tylli ki Semi Final la hap ban pynkynriah hynne ka sngi kaba dei ka sngi kaba la mang kyrpang ha Pahamsning Cricket Ground hajan Nongpoh, hynrei ka jingbteng jong ka jingslap ym shim la lah ban pynlong iaka jingiakhun kaba pura.
Kumta ia ka Semifinal hapdeng ka Meghalaya bad Nagaland la rai da kaba pynlong ia ka ‘Bowl Out’, ha kaba ki nongkawang bol na kitei ki ar tylli ki kynhun kila mih ban kawang ia ka bol ban pynkyllon ia u ‘stump’ bad ha kane ka jingiakhun ka Nagaland kala jop da ka said da 2-1 ban ioh rung sha ka Final.
Katba ia kawei pat ka Semi Final hapdeng ka Sikkim bad Manipur la rai ia ka nam jop da kaba pynlong iaka ‘Super Over’, ha kaba ka Manipur kala kamai tang 6 run hynrei ka Sikkim kala lah ban kamai run bad kala pyndep ia ka jingiakhun tangda kaba tied 4 bol.
Ka Sikkim bad Nagaland kila iakynduh teng namar ba kidei kiba hap lang haka Group B ha kaba ka Sikkim kala pynrem ia ka Nagaland da 4 wiket. Mynta ka Nangaland kan ioh biang ia ka lad ban iakynduh iaka Sikkim ha ka Final jongka NECDC Senior Women’s Interstate Friendship T20 Tournament.
