Shillong, Naiwieng 11: Ka jylla Assam kala nang jam bad lam khmat ha ka jingioh khur iaki Takma Ksiar ha ka sngi ba-ar jong ka 2nd North East Olympic Games 2022 bad kala ioh 6 tylli ki Takma Ksiar tang na ki nongjngi ki jongka haka jingiakob jngi.
Kila don 7 tylli ki Takma Ksiar kiba la ioh da ki nongialehkai hynne ka sngi tang ha ka jingiakob jngi kaba la long ha Crinoline Swimming Pool. Ka Assam kala ioh 6 tylli ki takma ksiar katba kawei kala leit shaka Manipur.
Ka Assam kala ioh ruh 3 tylli ki takma rupa bad 2 tylli ki takma rnong, katba ka
Manipur kala ioh 4 tylli ki takma rupa bad 2 tylli ki takma rnong katba ka Tripura kala ioh 3 tylli ki takma rnong.
U Dishant Buragohain (Assam) uba la ioh iaka takma ksiar ha ka 100m Freestyle ula pyndep iaka jingjngi da kaba shim por tang 56.16 sekhon bad u Angshuman Kashyap (Assam) uba lawan Baar ula shim por 56.66 sekhon bad u Prasanta Poddar (Tripura) uba la ioh iaka takma rnong ula pyndep ha ka por 59.75 sekhon.
Ha ka Women’s 100m Freestyle iaka takma ksiar la ioh daka Jahnabi Kashyap(Assam) kabala shim por 01:01.51, ka Darshita Baruah (Assam) kala pyndep haka por 01:06.96 bad ka Dekalu Th Panmei (Manipur) kala pyndep haka por (01:10.65).
Ha ka Men’s 50m Breaststroke iaka takma ksiar la ioh da u Ningombam Jeson Meitei (Manipur) uba la jngi tang 00:31.75, u Moiranthem Thouba Meitei (Manipur) ula jngi 00:32.26 bad u Mriganga Gogoi (Assam) ual shim por 00:32.51.
Ha ka Women’s 50m Breaststroke iaka takma ksiar la ioh daka Disha Gogoi (Assam) kabala jngi 00:37.38, ka Nivrti Cherian Datta (Assam) kala wan baar da kaba shim por 00:39.34 bad ka Kangabam Kevashri Devi (Manipur) kala wan balai da kaba shim por 00:40.72.
Ha ka Women’s 100m Backstroke, ka Krishnali Doley (Assam) kala ioh iaka takma ksiar da kaba jngi 01:15.59, katba ka Laitonjam Jessica Chanu (Manipur) kala pyndep haka por 01:16.79 bad ka Adriza Rani Chetia (Assam kala wan balai da kaba pyndep iaka jngi ha ka por 01:24.73.
Ha ka 4x50m Men’s Freestyle Relay iaka takma ksiar la ioh da ka Assam kaba la pyndep iaka jingjngi da kaba shim por 01:44.19, katba ka Manipur kaba wan Baar kala pyndep haka por 01:49.46 sekhon bad ka Tripura kaba la wan baai kala pyndep haka por 01:54.56. Ka Manipur kala wan baar da kaba pyndep haka por 02:14.97 bad ka jylla Tripura kaba la ioh iaka takma rnong kala pyndep iaka jingiakob jngi haka por 02:32.22.
