Shillong, Naiwieng 16: Ka Sikkim kala jop ia ka takma ksiar ba nyngkong eh ha ka 2nd North East Olympic Games da kaba pynliem ia ka Meghalaya ha ka jingialehkai phainal jongka Basketball ki kynthei hynnin ka sngi ha NEIGRIHMS Indoor Basketball Court.
Ka Sikkim kala jop da 86 la 67 bakset ia ka Meghalaya hakhmat ki nongpeitkai kiba bun bha.
Ha ka jingiakhun phainal ki shynrang, ka Mizoram kala ioh rah ia ka takma ksiar da ka jingbym treh ialehkai ka Assam.
Ka Nagaland kaba pynliem ia ka Manipur da 80-68 kala ioh ia ka takma rupa katba ka Manipur kala ioh ia ka takma rnong.
Ka Mizoram kala ioh rah ia ka takma rnong ha ka jingiakhun ki kynthei da ka jinglah pynliem pyrshah ia ka Nagaland da 63-55 basket.
Ia kane ka sngi la pynshongkun da ka jingiadon ryngkat u Myntri Rangbah ka Jylla Conrad K Sangma uba la sam ruh ia ki khusnam sha ki nongjop.
