Tura, Jylliew 15: Ka lympung ialehkai Meghalaya State FIDE-rated Chess Championship ba 47, kala poi noh sha kaba kut ha ka sngi Balang.
Kane ka lympung ka long kaba donkam namar 4 ngut kiba wan shakhmat kin ioh ban mihkhmat iaka Meghalaya haka National Championship.
U Silseng N Marak ula wan ba nyngkong, Silkam Sangma wan ba-ar, Barbith M Sangma ula wan balai bad u Bensing G Momin ula wan ba saw.
Ki don 84 ngut kiba shim bynta ha kane ka jingiakhun.
Ia kane ka jingiakhun ba saw sngi la pynlong naduh 12 haduh 15 tarik Jylliew daka Garo Hills Chess Association (GHCA) haka jingkhmih ka Meghalaya Chess Association, Shillong haka jingiatreilang bad ki bor district ka West Garo Hills, ka District Sports Office, Tura ba iarap daka Hub News, Simsang Chi, Marak Pavers, Prime Alternative bad kiwei kiwei.
Iaka jingiakhun la pynlong hapoh ka FIDE Laws of Chess bad 8 rounds jong ka Swiss System kaba neh 60 minutes bad 30 seconds.
Ha kane ka jingiakhun la wan pyniaid da T. J. Biju Singh kum u Chief Arbiter, Arun Singh kum u Deputy Chief Arbiter bad Gulap Gogoi kum u Technical Arbiter.
U Rita Ch Marak nongmihkhmat ka Nokma jong ka Asanang ha ryngkat u Chief Arbiter bad kiwei kiwei kila sam iaki khusnam bad ka song pisa shaki nongjop.
Iaka kyrdan 5th, 6th, 7th bad 8th la bat da Pringprang Ch Marak, Ardhendu Sekhar Mandal, Nityananda Hajong, Marcosh N Marak.
Kiba jop haka under 10 ki kynthei la bat daka Ansame Ch Marak, under 14 girls daka Aesara Ringmitelachi Ch Momin, iaka nam best under 18 girls Garo Hills la ioh daka Amaziah Gapesa Marak, iaka kyrdan best above 18 female Meghalaya bat daka Jasintha Ch Marak, haka kyrdan under 14 boys la ioh bat da u Mayukh Sah, iaka kyrdan best under 18 Garo Hills da u Arano Rikrim Cheran Momin bad iaka kyrdan best youngest player bad veteran la bat da u Eidenson Marwein bad Silberth Ch Marak.
Iaka khusnam Best Khasi Hills, Best Jaintia Hills bad Best Unrated player la ioh bat da u Anubhav Sharma, Zephaniah R Dkhar bad Pynmanroi Suting.
