Shillong, Risaw 03 : Ki Pulit hynne ka sngi Balang, kila lap ia ka metiap jong ka samla 18 snem, kaba jah rngai naka shnong Marbisu bad uwei u samla bala 20 snem ka rta.
Ia kane ka metiap jong kane ka samla kaba kyrteng ka Phibankyntiew Sun, la lap na kawei ka riat kaba don ha ka shnong Marbisu hi. La iathuh ba ka metiap kala kem pyut.
Mynta ki Pulit ki dang wad sa ia u samla shynrang u Wanboklang Kurbah uba la jah rngai lang ha ryngkat kane ka samla.
Lah ban kdew, kine ki arngut ki samla kila jah nala iing naduh ka 20 tarik Nailur bad la iohi khatduh ia ki ha ka por 5 baje janmiet ha ka jaka sah jong ki ha Marbisu.
