spot_img

Nang synjor ka Jingkieng Dwarksuid na ka jingtwa khyndew, syier ki paidbah nongleit nongwan

Date:

Share post:

Nongpoh, Naiwieng 13: Ka jingsynjor jong ka jingkieng Dwarksuid kala nang jur mynta da ka jingtwa sa ka khyndew ba pynsnoh ia ka jingkieng, kaba la pynsyier ia ki paidbah ba kin iaid kin ieng na ka surok Shillong By-Pass.


Kane ka jingtwa ka khyndew ha ki bynta jong katei ka jingkieng kala jia hynne ka sngi wat hapdeng ka jingrang rkhiang ka bneng. Kane ka jingtwa kala jia ha ki bynta jong ka kynroh ba pyniasnoh ia ka jingkieng na shiliang sha shiliang ka Wah.

Kat kum ki video bala saphriang ha ki rynsan social media, la iohi ba ki bynta jong ka kynroh jong kane ka Jingkieng kaba la don lypa ha ka jingpyrrkhing ban iaid kali heh, kala twa namar ka jingshong synjor jong ka khyndew.

Lah ban kdew, ba ka sorkar jylla ha u snem bala lah, kala khang ia ka jingiaid jong ki kali heh na kane ka jingkieng Dwarksuid ba dang shu tei thymmai ryngkat bad ka surok Shillong By-Pass hadien ka jingshem ia ka dak orpait jong ki paia bad kiwei kiwei ki bynta.

Ka Sorkar kala mana tyngeh ruh ia ka jingiaid jong ki kali kit mar kiba kit palat ia ka 10 ton na kane ka jingkieng. Namar kane ka jinglong jingman, ka Sorkar kala shna ia ka jingkieng ba shipor bala tip kum ka Bailey Bridge hynrei kane ka jingkieng ruh kala tor bad khlem lah shuh ban pyniaid kali.

Ki Nongshongshnong ka thain kiba pyndonkam ia kane ka jingkieng ha ka leit ka wan, kila pynpaw ia ka jingsyier ban iaid mynta na kane ka jingkieng da ka jingtwa jong kane ka kynroh bad ong ba lada ka Sorkar ka dang pynslem ban shna ia ka jingkieng thymmai ne dang ailad ia ki kali heh ba kin iaid, khlem pep kane ka jingkieng kan sa twa.

Share post:

spot_img
spot_img

Popular

More like this
Related

Pyllait ka NEC palat T.9.14 klur ban pyntrei ia 7 tylli ki project ha Meghalaya

Shillong, Naitung 04 : Ka North Eastern Council (NEC)...

Shisnem ha phatok ia u runar ba peittuh ia ka khynnah ba dang sum

Shillong, Naitung 04: Ka Iingbishar Special Judge (POCSO) North...

Ka ILP ne MRSSA kam dei ban pyndik ia ki nong India : Hek

Shillong, Naitung 04 : U Nongialam ka BJP bad...

Ka por kala dei ia ka Assam-Meghalaya ban pynkut noh ia ka jingiakajia pud : Hek

Shillong, Naitung 04 : U Nongialam ka BJP bad...