Shillong, Nohprah 01 : U President ka Meghalaya Pradesh Congress Committee (MPCC) Bah Vincent H Pala, ula pdiang biang ia kiba bun ki nongialam kiba la mih na ka party bad ong ba ka jingwan phai jong ki, ka dei ka dak ban khie im biang ka congress ha ri-lum Garo.
“Kiba bun ki briew kiba ju don bad ka Congress bad kiba la mih, mynta kila sngewthuh ba dei tan gka Congress kaba iakhun na ka bynta ki ritpaid bad ki riewlum, bad dei na kata ka daw ba kila wanphai biang” ong u Bah Pala.
U Bah Pala ula shim ba ka jingiaphet seng hashuwa ki elekshon kala kylla bad pynpaw ia ka jingsngewskhem ba ka Congress kan lah ban lehbha ha ka elekshon GHADC ban wan.
“Ngi la ioh 67 ngut kiba pan ticket na ka party” ula ong haba bynrap ba ka Congress kala pynkhreh bha na ka bynta ka elekshon GHADC hynrei ka dang ap ia ka Sorkar ba kan pynbna ia ki tarik jong ka elekshon.
“Ngi la pyndep ia ki kam ba donkam ban leh. Ngin sa pynbna ia ki kyrteng ki kyrtong tang mar syn pynbna ia ka tarik jong ka elekshon” ong u Bah Pala haba bynrap ba myta ka dang kloi palat ban batai lypa ba haduh katno seat ka Congress kan jop.
U Bah Pala ula ban jur ba u soh jong ka elekshon hi ka shong ha kiba bun kiei kiei, kynthup ka Liang Pyrshah bad kiwei ki party. Ula pynpaw ruh ia ka jingsngewskhem ba ka Congress kan leh bha ha ka elekshon, haba kdew ia ka jingdon ia ki kyrtong kiba biang.
Haba kylli, une u Heh ka Congress ula pynpaw ba haduh mynta hi kam pat don satia kano kano ka jingiakren bad kino kino ki Myntri Sorkar, kiba la shah weng shen naka kynhun Myntri ba ialam u Conrad K Sangma hynrei ula ban jur ba ka jingkhlain bad jinglah lehbha ka party ha ri-lum Garo kan dei kaba kongsan bha ha kaban khring pat ia kiba la phet seng.
“Ngim pat don ka jingiakren, hynrei ngi pdiang iano iano ruh kiba kwah wan” ong u Bah Pala.
 Bah Vincent H Pala, ula pdiang biang ia kiba bun ki nongialam kiba la mih na ka party bad ong ba ka jingwan phai jong ki, ka dei ka dak ban khie im biang ka congress ha ri-lum Garo.){kind=link}