Shillong, Rymphang 15 : U Myntri Rangbah ka Jylla hynne ka sngi Balang, ula kyntu ia ki paidbah ba ki dei ban kyntait ia ki jingkynshoit ba laiphew jait jong kiwei ki seng sain pyrthei bad ruh ia ki jingkular thok ba kila kular ban leh hadien ka elekshon.
U Conrad ula kren ia kane na ka rynsan ialap elekshon hynne ka sngi ha Shallang, kaba hap hapoh ka Mawshynrut Constituency bad kaba mihkhmat da u Bah Gigur Myrthong kum u MLA, uba dei ruh u kyrtong ban aireng ha kane ka elekshon MLA ban long la 27 tarik Rymphang.
Ia u Conrad la pdiang burom da ki paidbah Nongshongshnong na jaka pynieng helicopter ba shipor ha Shallang, kiba la synran ia u ban iaid shaduh ka jaka ba pynlong ia ka jingialang.
Haba pan jingkyrshan ia u Bah Gigur, u Conrad ula ong ba une u MLA u dei u Nongialam ba kitkhia shisha ia ka kam bad uba ju kren manla ka por shaphang ki jingeh jong ki paidbah ka Constituency.
Danced with the people at Shallang in Mawshynrut Constituency as the NPP claims its victory for 2023.
Sh. Gigur Myrthong has both passion & vision to serve. The people’s overwhelming support today has sealed NPP’s win in Mawshynrut Constituency.
NPP Again for 2023! pic.twitter.com/8bMeBKxBbP
— Conrad K Sangma (@SangmaConrad) February 15, 2023
Ula pyntip ba u Bah Gigur kum u MLA u ju wan ban iakren bad u halor ki jingeh bapher bapher jong ka Mawshynrut Constituency bad pynthikna ba ki kam pynroi kin wan poi hapoh ka thain.
Haba kren ha kawei pat ka jingialang ha Gabil kaba hap hapoh ka Bajengdoba Constituency, u Conrad ula ban jur ba ki briew na ki party bapher bapher ha Jylla kila wan rung sha ka NPP namar ba ka lyer jong ka NPP kala jur bha mynta.
Ula iai ban ba ka NPP kan sa jam sha ka jingjop ba mar shiteng na ka jingdon MLA ka Jylla bad kam don jingmut ia ki paidbah ban shu pynsepei kai ia ki vote jong ki sha kiwei pat ki Political Party.
Haba kyntu ia ki paidbah ba kin ai jingbiang ka jingshaniah ha u MLA ka NPP ba mynta u Pongseng R Marak, une u Khliehduh ka NPP ula ong “U MLA jong phi Pongseng Marak ula trei shitom bad u ju wan iakren man ka por bad ka Sorkar ban wanrah ia ki kam pynroi hapoh ka Constituency. U ieid iala ki briew na ka Constituency bad ula leh ia kaei kaba lah.
Kala dei ka por ia ngi ban pynkhlain ia ka Party bad ia u da kaba ai ka vote sha u”.
Through the people’s Absolute Trust, NPP is all set to get Absolute Majority in Meghalaya.
Our initiatives in 5 years have shown our mission for our grassroots people and they will choose NPP Again for 2023. pic.twitter.com/RTy6UsKD52
— Conrad K Sangma (@SangmaConrad) February 15, 2023
Kane ka jingialang ha Gabil ka dei kaba la wan iashimbynta bun eh da ki paid Nongrep, ha kaba u Conrad ula shim ia ka kabu ban pyntip halor ki flagship scheme ka sorkar ba ialam ka NPP bala tip kum ka FOCUS bad FOCUS+.
Ula ong ba kane ka sheme kala ai jingmyntoi bha ia ki longiing jong ki paid nongrep bad ki kynhun nongrep, kiba la ioh ia ki song pisa ba T. 1 lak kawei ka group, ba kin pynheh ia ki kam rep bad kiwei kiwei ki kam ba ki trei.
U Conrad ula ong ba ka Sorkar ba ialam da ka NPP kan iai bteng ban pyntreikam ia kane ka skhim, ka ban ai ka jingkyrshan ia palat 4.5 lak ngut ki nongrep hapoh ka Jylla.
U Conrad ha kane ka sngi ula kyntu ia ki paidbah ba kin kyntait ia ki jingkynshoit ba laiphew jait jong kiwei ki seng sain pyrthei bad ruh ia ki jingkular ba ialam bakla ne ba shu thok.
Haba kyntu ia ki paidbah ban iatylli bad ban pynthikna ia ka jingshah rem jong kiwei ki Party kiba kam ialade kum ki Nongpynim (messiah) jong ka imlang sahlang, ula ong “ Ngi hap ban kyntait ia ki jingkynshoit jong ki bad ban pynthikna ba ka NPP bad ki kyrtong jong ka, kin ioh ia ka rai u paidbah ba kan jop ia ki jingeh jong ka imlang sahlang.
Halor ka WeCard bad MyECard Sheme bala kular da ka TMC, u Conrad ula ong ba kane ka dei ka prokram ba ialam bakla namar kila pan ia ka jingpynrung kyrteng khlem da pan wat ia jingtip halor ki Bank Account bad ong pat ba lada ki thaw Sorkar, ka Sorkar kan pynthep ia ki pisa sha ki Account jong ki.
“Ka dei tang ka buit elekshon bad ki sheptieng ia ka lyer ka NPP bad kumta kila pyrshang ban pyrthuh ia kaei kaba ngi la dep pyntreikam hynrei kine ki jingpyrshang pyrthuh kila pulom” ula ong.
