Shillong, Nohprah 13 : Ka Kynhun Myntri jong ka Sorkar Jylla hynne ka sngi ba-ar kala mynjur ban pynkylla ia ki kyndon ki ban nang aibor ia ka Meghalaya Public Service Commission (MPSC) ban pyndonkam ia ka pla tyngka.
U Myntri Rangbah Conrad K Sangma u pyntip haki nongthoh khubor ba kane ka rai ka dei kaba la shim ban pynthikna ba ka MPSC kan treikam khlem kano kano ka jingthut.
Kat kum ka jingong jong u, ha ki por bala leit, ka Commission kan hap ban shim ia ka jingbit wat ban aiwai ia ki hall ne ka jingpynlut ha kaban pynlong ia ki eksam bad kane kala pyndkoh shibun ia ka jngtreikam.
“Namar kane, da ka jingaibor ban pyndonkam ia ka pisa tyngka, ka MPSC kan lah ban pyniaid beit iaid ryntih ia ki eksam bad shim rai halor kiwei kiwei ki jingpynlut khlem da pan jingbit” ula ong.
