Kohima, Risaw 20: Ka Sorkar Nagaland kala pynkhreh ban pyntreikam noh da ka ‘One Nation, One Student ID’ bala tip kum ka ‘Automated Permaneng Academic Account Registry (APAAR) na ka bynta ki samla pule kiba pule naduh ka kyrdan Pre-Primary haduh ka Higher Education kum shibynta jong ka National Education Policy (NEP).
U Principal Director ka School Education Thavaseelan K ula ong ba kane ka sienjam kan iarap bha ia baroh ki samla pule namar ia baroh ki kot ki sla jong ki naduh ki degree, scholarship, reward, bad kiwei kiwei yn sa pynrung ha ki kor digital, kaba lah ban ioh lut shisyn ioh tang mar syn plie ia ka wat haba ki kynriah skul.
U pyntip ba ka Sorkar kala bthah ia ki jaka pule ba kin pynlong ia ki jingialang bad ki Kmie Kpa lem bad ki Nonghikai hapdeng ka 16 bad 18 tarik Risaw ban iakren halor ka jingkongsan jong ka APAAR ID.
Kane kan long nalor ka Aadhaar ID kaba baroh ki samla pule ki don. Ka APAAR ID, kan long ka Identification number ba shirta jingim bad kaba lah ban lap ia ka pule dangle bad ka kyrdan jong baroh ki samla haba donkam.
U Thavaseelan ula ong ba kane ka sienjam kan iarap bha ia ki samla pule ha ka por ba ki leit pule ia ki kyrdan ba kham shalor bad bynrap pat ba ia kane ka kam yn sa leh tad hadien ba ki kmie ki kpa kila ai ka jingmynjur.
 na ka bynta ki samla pule kiba pule naduh ka kyrdan Pre-Primary haduh ka Higher Education kum shibynta jong ka National Education Policy (NEP).){kind=link}