Kohima, Naitung 25: Ki bor pyniaid District jong ka Niuland, ha ryngkat bad ki Pulit ka jylla Nagaland bad ki pulit CRPF kila pynphai kylla ia palat 2 spah tylli ki kali kiba kit ia briew kiba wan buhai shnong beain bad kiba la shah kyndang na Assam, ha ki khyrdop talasi bapher bapher jong ka district.
Ki bor pahara kiba don hapoh ka Niuland checkpost kila pynsangeh ia ki kali kiba wan bad kila khang lad ia kine ki briew ban wan buhai shnong da kine kiba shah kyndang kiba dei kiba wan buhai shnong beain.
Na ka liang jong ka kynhun District-level intelligence bad ka Dobashis (DBs) la buh ha ki khyrdop talasi ban iarap ban ithuh ia ki paidbah nong shong shnong.
Shuh shuh, ka tyllong khubor la iathuh ba kine ki kali kila pyrshang ban kit ia kine ki briew kiba la shah kyndang na ka jylla Assam ha ka por ba ka sorkar kala kyndang napgang ia ki briew kiba wan buhai shnong beain bad kyntur pud beain bad kane ka jingkyndang kadei kaba heh bha.
