Dimapur, Rymphang 19 : U Lamphang ka Iingdorbar Thaw Ain ka Nagaland Sharingain Longkumer, ula kyntait iaka shithi ujor mait kyrteng (disqualification) bala mudui da ka NCP ba ialam da u Sharad Pawar pyrshah ia ki 7 ngut ki MLA ha Nagaland hadien ba ka Election Commission of India kala hukum ban ithuh ia u Ajit Pawar kum u Nongialam ka NCP.
Haka hukum ba 16 tarik Rymphang, u Lamphang ula ong ba ki MLA ka NCP kim dei hok ban shah mait kyrteng namar ka rai jong ka ECI ka kdew ba ka jingkyrshan ia u Nongialam ba dei hok jong ka party NCP, kam khring ia ka kam ialeh pyrshah ia ka party lane ka nym long dkhot shuh jong ka party.
Ha une u bnai, ka NCP ba ialam da u Sharad Pawar kala mudui ban mait kyrteng pyrshah ia kine ki MLA ka Nagaland.
Kine ki 7 ngut ki MLA ki dei u Namri Nchang, Picto Shohe, P Longon, Y Mhonbemo Humtsoe, S Toiho Yeptho, Y Mankhao Konyak bad A Pongshi Phom- kiba ha u Naitung jong u snem bala lah, ha ryngkat ki nongkyrshan ka party, kila ai ka jingkyrshah ia ka NCP ba ialam da ka kynhun u Ajit.
Ha kawei ka liang, u Nongseng ka NCP Sharad Pawar ha ka sngi Saitjain, ula kynthoh pyrshah ia ka rai jong ka ECI bad jong u Lamphang ka Iingdorbar Maharashtra Rahul Narwekar namar ka jingai ia ka kyrteng ka party bad ka shap sha u pyrsa jong u, u Ajit Pawar.
