Kohima, Naitung 28: Ka NSCN/GPRN (Niki) kala kynthoh ba ka jingkyndang ka sorkar Assam ia ki mynder ri kam dei satia kaba phylla ne ka bym khmih lynti hynrei kadei ka jingthmu bad ka jingpyrshang ban kurup ia ki jaka jong ki kpa tymmen ne ki longshwa ka jaitbynriew Naga bala ithuh kum ki “Disturbed Area Belt”, kiba ka sorkar phareng kala buh ia u pud u sam ban suk ha ka jingsynshar khlem ka jingiamir jingmut bad ki Naga.
Katkum ka kyrwoh khubor ba la pyllait da ka NSCN/GPRN (Niki) kila kynnoh ba ka sorkar Assam kala buddien la slem bha ban pynlong nongshongshnong ia kiba wan buhai shnong beain na Bangladeshi ha ki jaka ia kajia pud ban pynsuk ia ka jingshim jaka sopsop.
Ka sorkar Assam kan sa sdang ia ka jingpynkynriah ia ki briew ha Uriamghat ha ka sngi Ba-ar bad kan dei ka jingpynkynriah shnong kaba nyngkong eh da ka sorkar ha Upper Assam.
Kane ka kynhun kala kynnoh ba ka Assam kala pynkhein ia ki kyndon bala iateh bad ka Nagaland da kaba buh ia ki pulit ha ki jaka ‘Disturb Area Belt,’ halor ka nam ban kyndang ia ki nongshongshnong beain.
Kala kynnoh ruh ba ka Assam kala pynkhein ia ka status quo bad kila maham iaka rukom trei kam jong ka Assam kaba pyrshang ban wanrah ka jingiakynad bad kiwei de ki jylla ba marjan kiba la pynmih shuh shuh ïa ki jingsngewkhia halor ki jingktah ha ki khappud jong ka thain.
Ka NSCN/GPRN (Niki) kala kyntu ruh ia ki paidbah Naga ba kin buh ka jingkylli ia ka buit trei kam jong ka sorkar Nagaland ban iakhun ha kaba iadei bad ki kam khappud.
 kala kynthoh ba ka jingkyndang ka sorkar Assam ia ki mynder ri kam dei satia kaba phylla ne ka bym khmih lynti hynrei kadei ka jingthmu bad ka jingpyrshang ban kurup ia ki jaka jong ki kpa tymmen ne ki longshwa ka jaitbynriew Naga bala ithuh kum ki "Disturbed Area Belt", kiba ka sorkar phareng kala buh ia u pud u sam ban suk ha ka jingsynshar khlem ka jingiamir jingmut bad ki Naga.){kind=link}