Guwahati, Naiwieng 23 : U Myntri Rangbah ka Nagaland Neiphiu Rio ha ka sngi Palei ula pyntip ba ka United States of America, Columbia bad Germany kila iasnohkti bad iatreilang ha ka Hornbill Music Festival ka ban sdang naduh ka 1 tarik u Nohprah ha Jylla.
U Myntri Rangbah ula pynbna ia kane ha ka X da kaba ong “Sngewtynnad ban pyntup ba ka USA kan iatreilang ha ka Hornbill Festival 2023. Wan ban iadonbynta lang ha kane ka tamasa” ula pynbna.
Ha kawei pat ka tweet, u Rio ula ong “Nga sngewtynnad ban ynbna ba ka Columbia ka dei ka ri kaban iatreilang haka Hornbill festival 2023. Ka Ri ki tamasa ka ap ia ki paralok bad ki nongwan sngewbha na kylleng ka Ri ka pyrthei sha kane ka tamasa ki tamasa-ka Hornbil Festival 2023”.
Nalor kane, ula thoh ruh ha Tweeter ba ka Germany ka kwah ba iatreilang bad ong “Nga sngewbha ban pynbna ba ka Germany ruh ka kwah ban iatreilang ha ka Hornbill Festival 2023”.
Ka Hornbull Music festibal ka dei ka tamasa kaba pawnam eh jong ki paid Naga kaba long naduh ka 1 tarik Nohprah haduh ka 10 tarik Nohprah. Ka Sorkar Nagaland ka ju pynlong ia kane ka tamasa manla usnem ha ka taiew ba nyngkong jong u Nohprah. Kane ka kynti ba mynta kan dei ka sien kaba 24 naduh ba sdang pynlong ia ka.
Ia kane ka tamasa la ju pynlong ha ka Naga Heritage Valley Kisame kaba jngai kumba 12 kilometer naka Nongbah ka Nagaland ka Kohima.
Palat 40 tylli ki kynhun nongtem bad palat 800 ngut ki duhalia kin kiew ha ka rynsan jongka hornbill mynta u snem.
Ki kynhun kiba paw ki kynthup ia Los Rolling Ruanas na Colombia, Larry Yassi na USA, Elm Tree Circle na Germany, bad ki kynhun nala ka jong ka Jylla kum ka Alobo Naga and the Band, Trance Effect, Adil Manual Collective, bad Street Stories, nalor kiwei kiwei.
Na ka liang ka Eastern Nagaland Peoples’ Organisation (ENPO), kaba la byrngem ban boycott ia kane ka tamasa namar ka jingdawa Jylla la ka jong ia ki 6 tylli ki District ka Eastern Nagaland, kala rai ban iashimbynta lang ha kane ka tamasa.
