Kohima, Jymmang 30: Namar ka jingbym sngewhun, ki san tylli ki jaitbynriew riewlum ki Naga,ha ka sngi Palei kila mih sha khmat ban pynlong rally ha kylleng ki district jong ka Nagaland bad dawa mardor ban khmih bniah ha kaba iadei bad ka ioh kam ioh jam ne ka state’s job reservation policy.
Kine ki san tylli ki jaitbynriew ki kynthup ia ki Angami, Ao, Lotha, Rengma, bad Sumi.
Ia kane ka rally la pynlong hapoh kawei ka lama ia kaba la tip kum ka ‘5 Tribes Committee on Review of Reservation Policy’ (CORRP), ia kaba la seng ha u snem 2023 ban peit bad khmih ka jingioh kam ioh jam jong kine ki jaitbynriew kin long mar katjuh.
Na ka liang ki nongmih khmat jong ka CORRP kila ong ba kane ka jingpyrshah kala wan hadien ba da ki bnai jong ka jingbym suidniew hadien ba la pynsngew sha ka sorkar jyla.
“Ngi la dep ban aiti da ka dorkhas ha ka 20 tarik u bnai Nailar 2024 bad ngi la pynmih ruh ia ka jingaipor ban kut ha ka 26 tarik u bnai Iaiong, hynrei na ka liang jong ka sorkar kala shu sngap mynthi” la ong u wei u dkhot ka committee bad bynrap ruh “Ngim don lad shuh da kumwei, kumta ngi hap ban shim ia kane ka sienjam ban pynlong ka jingiakhih ban pynsngew ia kane ka mat jingdawa”.
Shuh shuh kane ka committee kala byrngem ruh ba kan dang pynkhlain shuh shuh ia ka jingiakhih ka jong ki, lada ka sorkar jylla ka dang iai bteng ban sngap mynthi ne ym lah ban sdang noh ban peit bniah ha kaba iadei bad kane ka bhah thung kam thung jam.
Ka rukom bhah kam jong ka Nagaland kaba mynta, kaba la pynrung ha u snem 1977, ka ai 25% ka jingmang kyrpang sha ki non-technical and non-gazetted posts for select Backward Tribes (BT), ba la shna nyngkong eh na ka bynta ka por shi snem.
Hynrei kane ka policy ka la bteng khlem da pynkylla, kaba la pynmih ïa ki jingdawa ba thymmai na kiwei pat ki jaidbynriew kiba sngew ba la kyntait ïa ki na ki jingmyntoi jong ka.
Ka CORRP ka pynskhem ruh ba ka jingbishar bniah biang ia kane ka polisi kaba la rim da ki phew snem ka long kaba donkam ban pynthikna ia ka jingioh kan long mar kumjuh ia ki jaitbynriew Naga ha ka kam sorkar.
