Shillong, Nailar 14 : Ka Bharatiya Janata Party (BJP) ka la ba ong ba ka mynsiem ieid ri kala paw mynta ha baroh kawei ka Jylla da ka jingiatylli jong ki nongshong shnong ban pynher ia ka lama lai rong ha jan man la ki jaka ka jylla Meghalaya.
U Convenor ka BJP State Media Cell u Sabyasachi Ghose, u la ong ba ki jingrakhe ia ka Independence Day ki kynthup ïa ki rally thuk thuk, ki jingïaid kjat na ka bynta ka jaitbynriew, ki jingai burom ïa ki nongïaleh laitluid haduh ka jingpynher lama da ki briew shwa ba kin sdang ïa ki kam ba man ka sngi jong ki.
Katba ki nongshong shnong ka jylla ki dang jubab da ka jingkmen ia ka jingkhot jong u Myntri Rangbahduh ia ka ‘Har Ghar Tiranga’, la pynher ia ka lama lai rong ka ri ha man la ki jaka ba kynthup naduh ki dukan jhur haduh ki jaka rep, naduh ki dukan harud surok haduh ki jaka die marbam kiba heh, naduh ki kali haduh ki iing bad man la ka jaka.
Kane ka jingïashimbynta ba phylla jong u paidbah, kaba rakhe ïa ka mynsiem ieid Ri, lah ban sakhi ha baroh kawei ka jylla – West Khasi Hills, Eastern West Khasi Hills, East Khasi Hills, nongbah Shillong, nongbah Tura bad lum Garo bad lum Jaiñtia, ong u Ghose.
 ka la ba ong ba ka mynsiem ieid ri kala paw mynta ha baroh kawei ka Jylla da ka jingiatylli jong ki nongshong shnong ban pynher ia ka lama lai rong ha jan man la ki jaka ka jylla Meghalaya.){kind=link}