Shillong Nohprah 30: U Superintendent of Police jong ka East Khasi Hills u Bah Vivek Syiem hynne ka sngi Baar, ula pyntip ba yn khang ia ki kali ban leit sha ka thain Police Bazaar naduh ka por 5 baje janmiet jong ka 31 tarik u Nohprah.
U SP ula ong namar ba la khmih lynti ba ki paidbah kin sa tuid bad ialum ha ka thain Police Bazaar ha ka miet ban pdiang ia u Snem Bathymmai kumta ka Shillong Traffic Police kan yn shah iaid kali ne No Entry sha Police Bazaar naduh ka por 5 baje janmiet shaneng.
Ban ialeh ban pynduna ia ka jingkhapngiah bad ia ka jingshngain ki paitbah kumta la bthah ia ki kali ban iaid noh na Kachari Point ban leit sha Raj Bhavan katba ki kali kiba wan na Umsohsun kin leit iaid noh na Boucher Road bad Motphran.
Yn shah ia ki kali ban pynieng ha ka lad ba don ka Centenary Junction shaduh sha Rap’s Mansion bad na ka lad Pinewood shaduh ka lad ba don ka Botanical Garden bad la kyntu ia ki nongshong shnong ba kin da pynwandur ne ‘Plan’ bha ia ka leit ka wan ka jongki bad yn shah tang ia ki kali Emergency Services ban iaid ha ryngkat bad ka jingplie lad ia ki ban iaid.
