Nongstoiñ, Risaw 02: Ki Pulit ka West Khasi Hills kila lap hynne ka sngi Balang, ia ka metiap jong u rangbah ba jah na Themiew New Nongstoin, n aka thain Wahriat.
Une u Rangbah u dei uba kyrteng u Hebert Mawlieh uba dei na ka shnong Pyndengrei hynrei u shongkha ha Themiew New Nongstoin. U Hebert ua jah na iing naduh ka 29 tarik u Nailur ha ka por mynstep.
Ka khubor Pulit ka iathuh ba ia ka met jong une u rangbah la lap da ki riew paidbah hynne shiteng sngi, kaba la per ha sla um kham sharum ka Wahriat kaba don ha sor Nongstoin.
Ki Pulit kila pynkit noh ia ka met sha Civil Hospital, Nongstoin bad ka jingtohkit mynta kala iaid shakhmat ban lapdien ia ki daw tynrai jong kane ka jingiap.
