Shillong, Nailur 24 : Ki Pulit ka Mawkyrwat ha ka sngi u Blei, kila ioh tam ia ka metiap bala pyut bha jong u rangbah briew, kaba thiah lyngktar ha kawei ka riat ha Riat Thawlong kaba don marjan ka Iew Mawkyrwat.
Ia kane ka metiap la ioh tam ha ka por 11:15 baje mynstep. Kane ka metiap ka dei kaba la ithuh kum u Bah Hopewelson Turnia ba la 38 snem eiei, uba dei u khun jong u Bah (L) Aiwei Thongni. U dei u nongshongshnong ka Ngunraw, South West Khasi Hills.
U Bah Hopewelson u dei uba la jah rngai naduh ka 20 tarik u bnai Nailur.
Kat kum ka jingiathuh ki bahaiing, u Bah Hopewelson u dei na Ngunraw hynrei ka Kurim ka dei kaba sah ha Mawlangwir. U ju leit ju wan bha nala shnong sha ka iing jong ka kurim, ta ka daw ki bahaiing kim shym la tip satia ia ka jingjah rngai jong u naduh ka 20 tarik Nailur.
Ka dei tad hadien ba ki ar longiing kim shym la iohsngew eiei shuh na u ba kila sdang ban iawad. Ha kane ka jignwad, kila lap pynban ia ka metiap bala pyut bha hajan ka Iew Mawkyrwat. Mar mar, kila pyntip noh sha ki Pulit ba kin pynlong ia ka jingtohkit kaba bniah.
