Nongpoh, Nailur 02 : Ki Pulit ka Ri-Bhoi District ha ka sngi U Blei, kila ioh ban kem ia 4 ngut ki runar na Jylla Nagaland, kiba donkti ha ka jinglute ia ka petrol pump kaba don ha Umran, Niangbyrnai, myn ha ka 25 tarik Nailar.
Ia kine ki runar la ioh ban kem na Dimapur, Nagaland. La tip kyrteng ia ki da u Bokavi Zhimomi (25) uba dei na Vetenary Colony, Burma Camp, Dimapur, u Pashen Lam (32) na Burma Camp, Dimapur, Rokonggulie Keppu (18 snem) na Rail Bazaar, Dimapur bad uwei u bym pat ioh kyrteng.
Kat kum ka jingiathuh u Superintendent of Police ka Ri-Bhoi Jagpal Singh Dhanao, kine ki runar kila lute ia ka Petrol Pump, Niangbyrnai ha ka 25 tarik Nailar bad rong ia ka pisa kaba kot haduh T. 4, 24, 614 lem bad 3 tylli ki mobile phone.
Ki Pulit ka Ri-Bhoi ha ka 1 tarik Nailur, kila kem ia kine ki runar na Dimapur District, Nagaland bad ha ka jingtohkit, kine ki runar kila phla ia ka jingdonkti ha kane ka kam lute.
Ia kine ki runar la rah tian bishar ha Iingkashari ka District, kaba la aipor 5 sngi ban buh ha ka jingtohkit ki Pulit.
Une u Heh Pulit u pyntip ba uwei na kine ki runar (bym pat ai kyrteng), u dang don ha ka kti jong ki Pulit ja Tuensang District ka Nagaland bad ki Pulit ka Ri-Bhoi, kila don ha lynti ban leit shaw ia une u runar ha kaban wan ialam sha Ri-Bhoi bad sha Iingkashari ban tian bishar.
Ki Pulit kila kurup ruh ia kawei ka bolero NL07-CB-1056 kaba la pyndonkam da kine ki runar ban lute ia ka petrol pump.
 uba dei na Vetenary Colony, Burma Camp, Dimapur, u Pashen Lam (32) na Burma Camp, Dimapur, Rokonggulie Keppu (18 snem) na Rail Bazaar, Dimapur bad uwei ubym pat ioh kyrteng.){kind=link}