Shillong, K’lyngkot 11 : U Myntri Khynnah ka Tnad Electronics & Information Technology and Skill Development & Entrepreneurship, Rajeev Chandrasekhar, un wan iuhkjat mynta ha Jylla Meghalaya ha ka jingwan donkam ba arsngi.
U Myntri Khynnah un wan poi ha Guwahati bad nangne un sa wan beit beit sha Shillong. Ha Shillong, un leit ban jngoh nyngkong ia ka Skill Development Centre jong ka Rama Krishna Mission bad hadien kane, un sa iakynduh ia ki dkhot jong ki Nongkhaii ban iakren halor ki jingeh bad ki lad ban kyntiew ia ka kamai ka kajih.
U Myntri Khynnah un pynlong ruh ia ka jingialang bad u President ka BJP, ki Nongialam bad ki Nongkitkam jong ka BJP ha Jylla bad ruh ka jingiakynduh ia ki nongtrei kam sngewbha ban iakren halor ki ishu ka Jylla bad ki jingeh ba ki iakynduh.
Ha ka sngi thohdieng, u Myntri un sa leit ban ai jingkren ha ka jingialang jong ki Kynthei ha Mawprem bad hadien kane, un sa leit ban iuhkjat ha Church of North India.
U Rajeev Chandrasekhar un sa iakynduh ruh ia u Secretary ka Skill Development, Meghalaya bad ban iakren halor ki prokram ka skill development bala pyntreikam hapoh ka Jylla.
Une u Myntri Khynnah haba kut jong ka sngi, un sa iakynduh bad ki lad pathai khubor ka Jylla.
