Shillong, 20 Aug: Ka jingiashoh kala jia hapdeng uwei u trai jong kawei dukan die marbam bad uwei u nongdih droks kaba la lam sha ka jingmynsaw ia ki arngut ha ka janmiet sngi baar ha Quinton road, Shillong.
Katkum ka jingiathuh u Superintendent of Police ka East Khasi Hills u Bah Vivek Syiem, ula ong ba katei ka jingjia kala jia ha ka por kumba 7:40 mynmiet haba une uba kyrni ha ka jingdih droks ula pynpait ia u bilor hakhmat dukan. Haba u trai dukan u Ahauddin Chaudhary (38) bad u nongtrei u Jiyabun Rahman (17), kila btah ia u ban pynkhuid kala mih ka jingiashoh.
“Une u nongdih droks ula shoh ia ki da ki tiar kiba nep ha kaba u Rahman ula mynsaw ia ka kti kamon katba u Chaudhary ula mynsaw ha ka ngab kamon” ong u Bah Syiem.
Kine baroh arngut kiba la mynsaw la pynkit noh sha Civil Hospital, Shillong, ia kaba la ai jingsumar bad la pyllait noh ia ki.
U SP ula ong, ba la bthah ia ki ban ujor da ka ejahar khnang ba yn lah ban shim ia ki sienjam katkum ka ain.
