Shillong, Naitung 08: U Superintendent of Police (SP) City u Bah Herberth Kharkongor ula ong, ba uwei u khynnah ula mynsaw na ka jingiashoh ha kawei ka iing kiba don ha Mawlai ha ka miet sngi Nyngkong.
“Kane ka huri hura kala jia hapdeng shi bahaiing bad kala sdang naduh ka por mynstep ka jingiashoh, ia kaba ki pulit kim shym la ioh jingtip eiei hynrei ha ka miet jong ka sngi Nyngkong, ki pulit kila ioh ia ka jingtip ba kala don ka jingiashoh kumta u uwei u ophisar ka Mawlai PS ula leit ban tem ia kane ka jingiashoh bad ula lap ba uwei u khynnah ba kyrteng u Khrawbok Khongsit 24 snem ka rta ula mynsaw na ka kti ka jongu bad kane kala jia ha ka shnong Mawlai Nongmali” la iathuh u SP City.
Ula iathuh, ba ki pulit kin rejistar case ia kane ka jingjia bad ka jingtohkit kala iaid shakhmat.
U la ong, haduh mynta ym pat tip ia ka daw tynrai jong katei ka jingjia hynrei ki pulit ki dang iaid shakhmat ban pynlong ia ka jingtohkit kaba thikna halor kane bad haduh mynta ki pulit kim pat iohkem iano iano ruh kiba donkti ha kane ka jingjia.
U SP City ula iathuh ruh ba kala don ruh sa kawei ka huri hura ha ka thain Polo bad ki pulit kila leit ban tem mardor bad kila rah noh ia ki briew kiba donkti ban pynmih ia ka huri hura. Ka jingtohkit mynta kala iaid shakhmat.
 City u Bah Herberth Kharkongor ula ong, ba uwei u khynnah ula mynsaw na ka jingiashoh ha kawei ka iing kiba don ha Mawlai ha ka miet sngi Nyngkong.){kind=link}