Gangtok, Lber 16 : Haduh 10 ngut ki samla pule ka IIT Dhanbad kila mynsaw hadien ba ka kali ba ki iashong, kala noh shapoh ka riat ba 100 phut ha Mangan Distict, ka Sikkim ha ka miet sngi Saitjain.
Kane ka jingjia kala jia ha ka por 9:30 baje mynmiet haba kane ka kali tourist kaba mih na Lachung ban leit sha Gangtok, kala mih jingthut bad leit noh sha riat.
Kane ka kali ka kit ia hynriew ngut ki samla pule shynrang bad saw ngut ki samla pule kkynthei. U nongniah lem bad u nongbud kila mynsaw lang ha kane ka jingjia.
Lai ngut na kine ki samla la pynkit noh sha STNM hospital ha Gangtok ba kin ioh ia ka jingsumar katba ia kiwei la ai jingsumar ha Mangal District Hospital.
