Nongpoh, Risaw 24: Lai ngut ki briew ki la mynsaw jur hadien ba ka Maruti Alto ba ki iashong, kala leit ban tynrah nadien jong kawei ka trok kaba ieng harud ka surok bah NH-06 ha Umdihar, Ri Bhoi District.
Katkum ka khubor Puit, kane ka jingjia ka la jia hynne ka step ha ka por 5:40 eiei, bad la ong ba ka daw ka dei namar ka jingniah sted palat jong u nongniah kane ka Maruti Alto.
Kane ka Maruti Alto ka don ia u number ML 05 W 5094. Ki Pulit ki iathuh ba shuwa ban leit tynrah ia ka trok kaba don u nombor AS01-DD-9728, kane ka Maruti Alto kala tynrah shuwa ia u divider jong ka surok.
Kine ki laingut kiba mynsaw ki kynthup ia u nongniah ba kyrteng u Kynrong Dkhar (23), Rep Dkhar bad u Kharlong Dkhar kiba sah ha ka shnong Wapung, East Jaintia Hills District.
Ki Pulit kila leit ban tohkit ia kane ka jingjia bad kila pynkit noh ia kine kiba mynsaw sha Nongpoh Civil Hospital, hynrei namar bala jur ka jingmynsaw, la pynkynriah noh ia ki sha Super Care Hospital, Shillong.
