Guwahati, Rymphang 04: Arngut ki briew ki la ngat ha ka jingmynsaw jur na ka jingshah thombor ha uwei u rhino shireng hapoh Golaghat district ka Assam ha kane ka sngi Thohdieng ba la lah.
Kane ka jingjia ka la jia hapoh Mohima Gaon ha Golaghat.Hadien jong kane ka jingjia na ka liang ki trai shnong ki la pyntip noh mardor sha ki heh ka tnat forest.
Ha kawei pat ka bynta na ka liang ki heh ka tnat forest ki la her mardor sha katei ka jaka ban tehlakam ia une u rhino hynrei ha kane ka jingpyrshang u Divisional Forest officer u Sushil Kumar Thakuria bad uwei pat u heh kane ka tnat ki la ngat ha ka jingmynsaw hadien ba ki la shah thombor ha une u rhino.
Ia kine ki arngut la pynkit noh mardor shapoh hospital na ka bynta ban aijingsumar. Ha u snem ba la dep, uwei u rangbah 75 snem rta u la duh ei la ka jingim na ka jingshah thombor ha u rhino hapoh kawei ka pynthor kba ha Golaghat district ka Assam.Kane ka jingjia ka la jia ha ki bynta jong ka Chohola Bogipathar hajan Bokakhat.Ia une u lanot la tip kyrteng kum u Tarachand Choudhury.
Kumjuh ha u bnai Naiwieng 2022, arngut ki briew ki la mynsaw jur hadien ba kawei ka rhino kynthei ka la thombor ia ki hapoh Kaziranga National Park.
