Shillong, Risaw 09: U Lat ka Jylla u CH Vijayashankar ula mynjur ia ka thup kyrteng jong ki 7 ngut ki Executive Member (EM) jong Executive Committee (EC) kaba thymmai ha Khasi Hills Autonomous District Council (KHADC) kaba la ialam da ka seng VPP.
Kine ki 7 ngut ki kynthup ia u Bah Powell Sohkhlet, Seiborlang Warbah, Aibandaplin F Lyngdoh Nonglait, Deity H Majaw, Isynei Hinge, Pynkhrawboklin Kharjahrin bad Denzil Raynard Chen.
Ia kane ka jingthung ia ki EM kadei katkum ka jingai jingmut jongu Chief Executive Member (CEM) ka KHADC u Bah Winston Tony Lyngdoh, uba la shimti kum u CEM ha ka 30 tarik u Nailur.
Haba pynthikna ia kane hynne ka sngi Balang, u Bah Powell Sohkhlet ula pyntip ba ia katei ka thup kyrteng la mynjur da u Lat ka Jylla hynne ka sngi.
“U CEM u lah ban sam lashai ka sngi ia ka jingbate kam sha ki EM” ula ong.
 jong Executive Committee (EC) kaba thymmai ha Khasi Hills Autonomous District Council (KHADC) kaba la ialam da ka seng VPP.){kind=link}