Jowai, Lber 02 : U Symbud Myntri Rangbah ba khmih ia ka tnad PWD (Roads) Bah Prestone Tynsong ha ka sngi Nyngkong, ula ai ka jingmynjur ban shna ia ka surok Amkoi-Shnongpdeng ha ka tamasa Rongkusi hynrei ula pynpaw pat ba ka jingpyntrei kan shong ha ki trai jaka ba kin ai jaka.
Ha madan Amkoi, u Bah Prestone ula iathuh ia ka Dorbar Shnong ba ka Sorkar kan sdang ban pynkhreh ia ka mang tyngka bad ki sienjam ba donkam na ka bynta ka surok-kaba iohi ba ka long kongsan bha ban pyniasoh ia ki Iew sha ki nongrep bad ka kam jngohkai ha Ri-War, kaba shong pat ha ka jingai ki trai jaka ia ka jingiatreilang.
Ula ong ba ki jingtei ki dei ka jingbahkhlieh lang jong baroh ka ban ai jingmyntoi ym tang ia kane ka pateng ba mynta hynrei ia ki pateng kiban nang wan.
U Myntri ka Tnad Pule Puthi Bah Lahkmen Rymbui, ula pynsngew biang ia ka jingkyrpad, haba pynpaw ba ka Sorkar ka kloi ban ai jingmynjur ban tei ia ki Iingskul ruh hynrei ka jingioh ia ka jaka ka dang dei kawei na ki jingdonkam ba kongsan.
Ula kyntu ia ki trai jaka ba kin ai ka jingiatreilang khnang ba ki jingtei jong ki jaka pule bad kiwei kiwei kiba ai jingshakri paidbah kin ym shu sahkut kai.
Ki Nongshongshnong kila aiti ia ka dorkhas ba pan ia ka surok Amkoi-Shnongpdeng, kynthup ia ka Nongbareh Lyntiar-Amkoi hapoh ka PWD, ka jingshna bha ia ka madan ialehkai phutbol bad ka LP school building ba thymmai.
U Bah Prestone ula bthah ia ki Ophisar ba kin iapynbeit bad ka PWD halor ka bynta jong ka surok Nongbareh Lyntiar-Amkoi bad kren ruh halor ki jingkyrshan subsidy bad ki jingai jingmyntoi ia ki samla ha ki kam jngohkai bad ka sengkam sengjam.
 Bah Prestone Tynsong ha ka sngi Nyngkong, ula ai ka jingmynjur ban shna ia ka surok Amkoi-Shnongpdeng ha ka tamasa Rongkusi hynrei ula pynpaw pat ba ka jingpyntrei kan shong ha ki trai jaka ba kin ai jaka.){kind=link}