Jowai, Jymmang 16 : Ki paid Pnar jong ka shnong Khanduli, West Jaintia Hills bad ki paid Karbi jong ki shnong kiba hap hapoh ka Suching Arming Border Development Committee (SABDC), kila rai da kawei ka sur ba kin wanrah bad bad pynneh biang ia ka jingiashongsuk shongsain hapoh ka thain Khanduli.
Kane ka rai kala mih na ka jingialang hapdeng ki Nongshongshnong na baroh arliang khappud, kaba long hynne ka sngi ha Border Outpost (BOP) Khanduli, ban pynkut noh ia ka jingiakynad kaba la neh jan shisnem hapdeng ki paid Pnar bad ki Karbi hapoh ka thain.
Ha kane ka jingialang, kila don ruh arngut ki nongpeit pyrman na baroh arliang mamla ba kynthup ia u A Laskar, Border Magistrate na West Karbi Anglong bad u Bah B Langbang uba dei u Border Magistrate ka West Jaintia Hills.
Ka jingialang kala iatai bniah bha ha kaban wanrah biang bad pynneh ia ka jingiashongsuk hapdeng ki paid Pnar bad ki Karni khamtam hadien ka jingiakynad kaba mih na ka jingwan buh khyrdop ka KAAC ha Khanduli bad ka boycott jong ki paid Pnar ia ki Karbi ha shnong Khanduli.
Kane ka jingialang kala shim rai ba ia ka khyrdop jong ka KAAC dei ban buh noh ha ka jaka kaban sa ithuh da ki Regional Committee jong ki artylli ki Jylla (Meghalaya-Assam).
Kila rai ruh ban pynsangeh noh ia baroh ki jingiakyntur pud da baroh arliang mamla ha ka thain Khanduli.
Ha kajuh ka por, kila shim rai ruh ba ki paidbah kiba don jaka rep ha ka thain Karbi Anglong ki dei ban pyni ia ki kot ki sla jong ki lyngkha ia kaba dei ban pynthymmai manla u snem.
La rai ban khang noh ia ka jinglum khajna ba palat pud ia ki jhur khlaw ba mih na ka thain bad kumjuh ruh ka jingpyniap pathar ia ki dohkha (ba shu bomb ne ber bih) ha kaba la rai ba ki nongpynkhein ain kin ngat noh ha ka kuna ba T. 50,000.
Kine ki arliang mamla kila pynbeit ruh ba kino kino ki kam pynroi ba wan na baroh artylli ki Sorkar Jylla, kim dei ia ka ban shah pynthut bad ki Pnar ki lah ban leit rep biang sha ki jaka rep kiba don ha Karbi Anglong naduh ka 21 tarik mynta u bnai.
, kila rai da kawei ka sur ba kin wanrah bad bad pynneh biang ia ka jingiashongsuk shongsain hapoh ka thain Khanduli.){kind=link}