Shillong, Naitung 15 : Ka Captain Williamson Sangma State University (CWSSU) kala ai jingmynjur ia ka syllabus jong ki 15 tylli ki kyrdan pule postgraduate bad 21 tylli ki undergraduate, ban sdang noh ia ka samoi jingpule u snem 2025-26.
Ia kine ki syllabus la ai jingmynjur ha ka jingialang ba nyngkong eh jong ka Academic Council ka State University, kaba la long hapoh ka Campus ka University ha Tura, West Garo Hills District myn ha ka 11 tarik Naitung.
Ha kane ka jingialang la wan ban iashimbynta da baroh ki dkhot jong ka Academic Council bad ka dei ka dak jong ka jingsdang ki kam ki jam ban pyniaid noh ia ka pule dangle jong kane ka skulbah.
Kane ka jingialang ba nyngkong, kala sakhi ia ka jingshimrai ia ki kyndon treikam kiba kongsan jong ka University, ka jingmynjur ia ki syllabus ka postgraduate bad undergraduate, bad ka jingpynskhem ia ka Board of Studies bala thaw ha ki lain pule bapher bapher.
Baroh lang, ki syllabud bala ai jingmynjur na ka bynta ki 15 postgraduate bad 21 ki undergraduate, ki kynthup ia ka sobjek na ka science, humanities, social science, commerce bad regional languages.
Kine ki kynthup ia ka : Anthropology, Assamese, Biochemistry, Botany, Chemistry, Commerce, Economics, Education, English, Environmental Sciences, Garo, Geography, History, Khasi, Mathematics, Philosophy, Physics, Political Sciences, Social Work, Sociology and Zoology.
Ki 21 undergraduate bad 15 postgradiate Board of Studies, kaba iakynduh ha u Jylliew 2025, kala buh ia ka nongrim ha ka jingma da kaba pynkhreh ia ka syllabus kat kum ki kyndon ka National Education Policy 2020, kaba pynthikna ïa ka jinghikai kaba pynshong nongrim ha ka jingmih, kaba bun jait, bad kaba kynthup lang ïa baroh.
Ka jingialang ka pyni ia ka sienjam kaba khraw ha kaba pyntreikam ia ka rukom hikai jong ka CWSSU, ym tang na ka bynta ki tnad jong ka hynrei wat na ka bynta ki kolej kiba kwah pyniasoh bad ka skulbah.
“Da ka jingpdiang ïa ki kyndon kiba kongsan ha kaba ïadei bad ki jingpdiang ia ki samla pule, ki rukom siew bai skul, ki jinglong jingman jong ka jingshakri, bad ki kyndon pyniasoh, ka CWSSU mynta ka la pynkhreh pura ban sdang ïa ka samoi pule ba nyngkong jong ka ha u snem 2025-26,” ong u Registrar ka skulbah u A Ch Marak.
“Kane ka mawjam ka dei ka jingkiew kaba kongsan na ka bynta ka jylla Meghalaya baroh kawei bad ka thaiñ shatei lam mihngi jong ka ri India, kaba buh ïa ka skulbah kum ka jaka pdeng ba dang mih jong ka jingpule kaba kham shalor, ka jingtbit ha ka jingpule, bad ka jingpynkupbor ïa ka thaiñ,” u la ong.
 kala ai jingmynjur ia ka syllabus jong ki 15 tylli ki kyrdan pule postgraduate bad 21 tylli ki undergraduate, ban sdang noh ia ka samoi jingpule u snem 2025-26.){kind=link}