Shillong, K’lyngkot 24 : Ka kynhun Myntri ha ka sngi Balang kala mynjur ia ka rta kaba rit eh (minimum) bad ba heh duh (maximum) ha ka jingthungkam ha ki saw tylli ki tnad Sorkar- ka Civil Defence and Home Guards, Excise, Registration, Taxation and Stamps (ERTS), Forest and Environment bad ka tnad Home (Police) jong ka Sorkar Jylla.
Haba iakren bad ki nongthoh khubor, u Myntri bad nongaiktien ka Sorkar Bah Paul Lyngdoh ula ong ba namar ka jing dawa ka kam ia ka bor met, ka snem ba duna eh la buh la la ka jong bad kumjuh ruh ia ka snem ba heh duh ha ka jingthungkam ha kine ki saw tylli ki tnad.
“Kine ki dei ki snem ba rit eh kaba long hapdeng 18-21 snem bad snem bad ka snem ba hehduh bala rai da ka Kynhun Myntri mynta ka sngi la buh ban long naduh 27 snem na ka bynta ka tnad ERTS, haduh 32 snem ha ka Tnad Civil Defence and Home Guard, sha ka 30-32 snem ha ka Forest & Environment bad 21 snem kum ka snem ba rit eh bad 27 snem k aba heh duh na ka bynta ka tnad kam Pohiing” ula ong.
U Myntri ula ong “Katba nga dang pyrshang ban batai sha phi, kine ki kynthup ia ki kam kum ka junior scale MPS bad UB/AB,SI, baroh kine ki kam ki donkam ia ki briew kiba dang rit ka rta, kumta ka jingrung kam la buh kat kum ka jingdon kam. Kane ka donkam ia ka jingpynthikna da ka kynhun Myntri, ta ka daw ngi la wanrah ban iakren bad la mynjur”.
U Bah Paul ula pynbna ruh ba ka Sorkar Jylla shen kan sa pynbna noh ia ka khubor laitkam ba palat 3000 tylli ki kam jong ki kyrdan bapher bapher hapoh ka Tnad Home (Police) bad palat 500 tylli ki kam hapoh ka Tnad Civil Defence and Home Guards.
“Ngin dang shimpor sa ar haduh lai taiew ban pynbna ia kane ka khubor laitkam bad ngi dei ban lah pyndep ia ka kam hapoh ka arbnai ban wan” ula ong.
 bad ba heh duh (maximum) ha ka jingthungkam ha ki saw tylli ki tnad Sorkar- ka Civil Defence and Home Guards, Excise, Registration, Taxation and Stamps (ERTS), Forest and Environment bad ka tnad Home (Police) jong ka Sorkar Jylla.){kind=link}