Shillong, Nailur 30 : Ka Kynhun Myntri ka Sorkar Jylla ha ka sngi Ba-ar kala ai jingmynjur ia ka Standard Operating Procedure (SOP) na ka bynta ban pyniaid ia ka Taraghar State Guest House bad ka Meghalaya Directorate and District Drivers’ Service Rules, 2025.
Haba kren sha ki nongthoh khubor hadien ka jingialang, u Myntri Rangbah Conrad K Sangma ula ong ba ka Taraghar State Guest House ka dei kaba dang shu plie dang shen.
“Namar kata, ngi la pynkhreh ia ka Standard Oeperating Procedure (SOP) ba kumno yn pyniaid ia ka Taraghar State Guest House, ha kano ka rukom yn ai kamra ia kiba wan sah, iano ba dei ban ai kamra bad kiwei kiwei. Ia kane ka SOP la wanrah ha ka Kynhun Myntri bad ngi la ai jingmynjur” ula bynrap.
Halor ka Service Rules ki nongniah kali, u Conrad ula ong ba la bun bun snem, ka Tnad Personnel kala pyrshang katba lah ban pynthikna ba ka service rules ka dei ban don namar kane ka ktah beit beit ia ka jingthungkam bad ka jingpynkiew kyrdan ia ki nongtrei bad kumta, ka jingdon ia ka service rules ka long kaba donkam bha.
“Namar kane, mynta ka sngi ngi la ai jingmynjur ia ka Meghalaya Directorate and District Drivers’ Service Rules, 2025” ula ong.
Ka kynhun Myntri kala ai jingmynjur ruh ia ka thup shuti jong u snem 2026. Kat kum ka jingong u CM, ka ia syriem bad ka thup shuti u snem 2025.
 na ka bynta ban pyniaid ia ka Taraghar State Guest House bad ka Meghalaya Directorate and District Drivers’ Service Rules, 2025.){kind=link}