Shillong, K’lyngkot 16 : Ka Kynhun Myntri ka Sorkar Jylla kala ai jingmynjur ia ka Meghalaya Border Area Development Service Rules 2025.
Haba kren sha ki nongthoh khubor hadien ka jingialang, u Myntri Rangbah Conrad K Sangma ula ong “Ka service rules jong ka tnad Meghalaya Border Area Development kala ioh ia ka jingmynjur na ka kynhun Myntri hynne ka sngi”.
Kat kum ka jingong jong u, ka jingmynjuria ka service rules la khmih lynti ba kan wanrah ia ka jingshai ha kiba liang bapher bapher haka jingshakri kam bad ka jingkyntiew kyrdan ia ki nongtrei jong ka Tnad Border Area Development.
Namar kata, la bthah ia baroh ki Tnad ba kin wanrah iala ki jong ki jong ki service rules, ula bynrap.
