Shillong, Naiwieng 29 : Ka Kynhun Myntri jong ka Sorkar Jylla hynne ka sngi kala ai jingmynjur ia ka Meghalaya Mental Health and Social Care Policy.
Haba iakren bad ki nongthoh khubor, u Myntri Rangbah Conrad K Sangma ula ong ba kane ka dei ka policy kaba kongsan bha bad ka mat ka bym pat ju da khein kor ha ki por bala leit noh.
“Kum kaJylla bad kum ka Sorkar, ngi don jingsngew ba ki kam ba iadei bad ka jingpang haka bor pyrkhat pyrdain ka dei kaba ngi la iaid kiar bha bad kumta ngi donkam ia ka policy ban leh eiei ia kane ka kam. Ta ka daw, ia kane ka policy la mynjur da ka Kynhun Myntri mynta ka sngi” ula ong.
Meghalaya is the 3rd State in India to have come out with a policy for Mental Health & Social Care.
This policy will ensure proper attention to mental health especially for children, adolescents and youth.@narendramodi @mansukhmandviya @dpradhanbjp
— Conrad Sangma (@SangmaConrad) November 29, 2022
Haba pynpaw ba ka Meghalaya ka dei ka Jylla kaba lai ha ka Ri ban wanrah ia ka Mental Health Policy, u Myntri Rangbah ula ong “Nga thikna ba kane ka Policy kan pynthikna ia ka jingpynleit jingmut bha sha ki kam ba iadei bad ka bor pyrkhat pyrdain (mental health) khamtam haba phai sha ki khynnah bad ki samla lud”.
Ha kajuh ka por, ka Kynhun Myntri kala mynjur ruh ban pynkylla thymmai ia ki kyndon jong ka Meghalaya Victim Compensation Scheme 2019 kaba iadei bad ka jingiarap ia ki Kynthei, khynnah kynthei ne khynnah shynrang kiba ngat ha ka apot ki kam leh beijot.
