Shillong, Naitung 10 : Ka Sorkar Jylla ha ka sngi Balang, kala ai jingmynjur ia ka Meghalaya Public Communication Policy, 2024.
Haba iakren bad ki lad pathai khubor hadien ka jingialang jong ka Kynhun Myntri, u Myntri Rangbah ka Jylla Conrad K Sangma ula ong “Nga thikna ba phi iatip naba kala don ka jingiasyllok bad ki lad pathai khubor bad phi iatip ruh ba kane ka Policy ka dei kaba la sahteng la slem bha kaba mut ba ka DIPR kam shym la lah ban treikam ha ka rukom kaba dei bad kam shym la lah ban pyndep ia ki kamram kiba ka DIPR ka dei ban leh, kumta kane ka Policy kan pynbeit ryntih ia baroh ki buit treikam ban lah pyniajan hapdeng ka Sorkar bad u paidbah bad ka jingiakren iakhana hapdeng ka Sorkar bad u paidbah.
U Myntri Rangbah ula ong “Ka jingmut hi ka long ban don ka jingbthah kaba thikna halor ka jingia aiktien hapdeng ka Sorkar bad ki nongshongshnong bad ruh ban kyntiew ia ka jingshaniah bad jingtreikam kaba shai bad ba khuid”.
