Shillong, Nohprah 20 : Ka Kynhun Myntri jong ka Sorkar MDA hynne ka sngi ba-ar kala mynjur ban pynkylla thymmai ia ki kyndon jong ka Meghalaya Minor Mineral Reclamation Fund Management Guidelines 2022.
“Ka dei ka jingpynkylla kaba suk bha ha kaba ki Agency kiba dei ban pyntreikam ia ka song pisa kin nang ioh shuh shuh da ka jingbynrap lang jong ka Biodiversity Board” ong u Myntri Rangbah ka Jylla Conrad K Sangma haba iakren bad ki nongthoh khubor hadien ka jingialang.
Ula pyntip ba ka kynhun Myntri kala mynjur ruh ia ka notification jong ka Meghalaya Professions Trades Callings & Employment Taxation Rules.
Ha kajuh ka por, ka Kynhun Myntri kala mynjur ruh ia ka jingpynkylla ia ki kyndon jong ka Meghalaya Building Amendment Byelaws, 2022.
Hynrei ula ong “Ki jingtip ba bniah ki jrong bha bad ngam sngew lah ban pule ia ki baroh namar ki dei ki kam ba long technical. Ngin pynkhreh da ki kynja jingthoh halor kane”.
