Shillong, Naiwieng 05 : Ka Sorkar Jylla ha ka sngi Ba-ar, kala mynjur ia ka jingtyrwa ban thaw ia ka Meghalaya Rural Development Services Recruitment Board (MRDSRB).
Kane ka jingtyrwa jong ka Committee & Rural Development (C&RD) ka dei kaba la wanrah sha ka miej iakren jong ka Kynhun Myntri kaba la pyniaid online da u Myntri Rangbah ka Jylla Conrad K Sangma na Tura.
Haba kren sha ki nongthoh khubor hadien ka jingialang ha Shillong, u Myntri Sorkar bad nongaiktien ka MDA Bah Paul Lyngdoh ula ong ba ka jingthaw ia ka MRDSRB kan iarap ia ki kam ki jam jong ka Tnad C&RD, ha kaba tyrwa ban thungkam ia ki Ophisar-Junior Rural Development Officer (JRDO) lyngba ka Expert Committee jong ka Board.
“Ki dkhot jong ka services (JRDO) ki dei ki post graduate bad post graduate diploma holder na ki jaka pule kiba paw. Yn jied ia ki lyngba ki eksamin bapher bapher bad yn sa phah ia ki sha ki Block kum ki Junior Rural Development Officer” ula ong haba bynrap “Ngi la dep pynpaw teng ba kin sa don ki JRDO bad ka jingdon jong ki kan long 59 ngut bad ia ka jingdon ki post ba donkam ruh lah dep ban pynthymmai bad la dep ban mynjur”.
 lyngba ka Expert Committee jong ka Board.){kind=link}