Shillong, Iaiong 08 : Ka Kynhun Myntri ka Sorkar Jylla ha ka sngi Ba-ar, kala mynjur ia ka jingtyrwa ban pynkiew ia baroh ki jingmyntoi bala ai sha ki Chief Justice bad ki Judge bala shongthait jong ka Iingkashari Meghalaya High Court.
Ia kane ka rai la shim haba pynshong nongrim na ki lai tylli ki jingkyrpad bala wanrah da ka Iingkasahri bad ki Judge.
Haba kren sha ki nongthoh khubor hadien ka jingialang, u Myntri Rangbah Conrad K Sangma ula ong “….lai tylli ki jingkyrpad kila wan bad kat kum ka jingkyrpad na ka Iingkasahri bad ki Judge dalade kila thoh sha ngi, ngi hap ban kyntiew ia ka song pisa-kumta ka bai bording ka long 1000 unit shibnai ba mynjur ban pynphai (reimburse), haba iadei bad ka POL 100 liter shibnai kat kum ka dor Meghalaya bad ka mobile bad internet ka long T.4200 shibnai nalor ka khajna la mynjur da ka Kynhun Myntri ban kyntiew”.
“Hooid, haba ia kine ki judge la thung ban leh ia kano kano ka kam lane pynlong chairman jong kano kano ka Committee kumta kine ki jingmyntoi kin ym treikam shuh namar kin sa ioh ia ka pisa bala mang sha kine ki kam ba kin leh” ula ong.
