spot_img

Mynjur ka SCB ia ka Draft ka Building Byelaw ha Shillong Contonment

Date:

Share post:

Shillong, Naitung 10: Ka Shillong Cantonment Board (SCB) ka la mynjur ïa ka Draft jong ka Shillong Cantonment Building Byelaws 2025 lane ka aiñ shna ïing ha ki jaka kiba hap haki jaka shipai lane Shillong Cantonment.

Ki jaka ba hap hapoh ka Shillong Cantonment Board ki kynthup baroh ka Jhaluapra, Paltan Bazar, Lower Paltan Bazar, Military hospital, Dojon line, Anjalee, Lady Keane, Lum Survey, Geonka Compound, Burma line bad ka Mathura compound.

Ïa ka Shillong Cantonment Building Byelaws 2025 la mynjur haka 1 tarik Naitung 2025 haka jingïalang bala pynlong ha ophis jong ka Shillong Cantonment Board.

Haba pyntip ïa kane u MLA ka BJP na South Shillong constituency u Bah Sanbor Shillai u la ong ba ka jingwanrah ïa ka ain̈ shna īing (Building Bylaw) ka dei kaba la pyrshang mynta la bun snem bad mynta hadien 53 snem la lah ban mynjur ïa ka Draft Building Bylaw.

U Bah Sanbor u la ïathuh ba ia kane ka aiñ shna ïing ka dei kaba la shim na ka Building Bylaw jong ka Sorkar Jylla bad la lah ban wanrah ïa ka Draft da ka jingïatrei lang bad ka Meghalaya Urban Development Authority (MUDA).

“Ka jingmynjur iaka Draft Shillong Cantonment Building Byelaws 2025 kamut la shah ban tei ia ki iing G+3 ne ka iing 4 mala ha ki jaka kiba don ia ki surok iaid kali bad ka jingtei ia ki iing G+2 ne iing 3 mala ha ki jaka ki bym lah ban iaid ki kali ha ryngkat bad ka jaka kaba haduh 1000 square feet yn shah ban tei ia ka iing G+2 ne ka iing kaba 3 mala” la ong u Bah Sanbor.

U Bah Sanbor u la ïathuh ba ïa kane ka Draft Shillong Cantonment Building Byelaws 2025 la phah sha ki heh shipai bad ka jingmynjur ba khatduh yn sa ai na ka tnat Defence Ministry ka Sorkar Pdeng ha kaba ki dkhot jong ka Board kin leit ïakynduh ruh ïa u Myntri iada ri ban ïoh kloi ka jingmynjur.

Haba kylli, u Bah Sanbor Shullai u la ïathuh ba ha ki por mynshwa ka la don ka jingshna ïing bad kiwei ki jait jingtei beain haki jaka shipai bad hadien ba la poi ka mukotduma sha Iingkashari, ka Iingkashari ka la ai bor ïa ka Board ban pynpra ïa ki ïing ba shna beaiñ.

Share post:

spot_img
spot_img

Popular

More like this
Related

Hukum ka Iingkashari POCSO ban set 7 snem ha phatok ia u nongleh beijot

Shillong, Naitung 31 : Ka Iingkashari ka Special Judge...

Ai khublei u Lat ia ka Ri-Bhoi kaba la jop ha ki lai bynta ka Aspirational District

Shillong, Naitung 31: Hynne ka sngi Palei, la pynlong...

Pyllait im ki BSF ia u Rangbah ba shitom jur da kaba kit mardor sha Hospital

Shillong Naitung 31: Ki shipai Border Security Force (BSF),Meghalaya...

Assam | Ai khublei u HImanta ia u CM ka Nagaland ba kyrshan ia ka jingkyndang mynder ri

Guwahati, Naitung 31: U Myntri Rangbah ka jylla Assam...