Shillong Jylliew 24: Ka Khasi Hills Autonomous District Council (KHADC) hynne ka sngi Saitjai kala mynjur iaka Resolution ban pyrshah jur ia ka jingthmu ka sorkar pdeng ban pyntreikam ia ka Uniform Civil Code (UCC) ha ka ri, namar kane kan pynduh pyndam ia ki riti dustur, ka dustur shongkha shongman jongka jaidbynriew.
U Chief Executive Member ka KHADC u Bah Pyniaid Sing Syiem haba wanrah ia kane ka Resolution ha ka Dorbar Lyiur, ula ong ba ka Council ka kyntu jur ja ka Sorkar Pdeng ban ym pyntreikam ia ka UCC hapoh u pud u sam ka KHADC khnang ban iada ia ki riti dustur katkum ka khyrnit ba hynriew jong ka riti synshar ka ri.
U CEM ula ong, lada pyntreikam ia ka UCC baroh ki riti dustur, ka jingioh pateng jong ki riewlum kin duh noh bad kumta ka EC ka pyrshah jur ia kane ka jingthmu ka Sorkar Pdeng.
U Deputy CEM u bah Pynshngain u la ong, ba lada ka sorkar pdeng ka kwah ban pyntreikam ia ka Uniform Civil Code ka dei ban pyntreikam tang sha Ri Thor ym ha u pud u sam ki District Council ne ha ki jaka kiba hap ha ka Sixth Schedule.
“Kala dei ka por ban sei lut ia ki sakhi ha ka Law Commission ban pyni ia ki nongrim katkum ka Sixth Schedule ban pyrshah ia ka UCC ban iada iaka jinglong kyrpang ka jong ngi” ong u Bah Pynshngain.
“Ka Sorkar Pdeng ka lah ban pyntreikam ia ka UCC ha kiwei ki jylla, hynrei hangne ha jylla kan hap ban sangeh shwa namar ba ki don ki nongrim kiba khlain ban ieng pyrshah ia ka UCC,” ong u Dy CEM.
U Nongialam ka Liang Pyrshah u Bah TW Chyne ula ong, ba ka Liang Pyrshah ka ai ia ka jingkyrshan ia ka Resolution ban pyrshah jur ia ka Uniform Civil Code namar kan ktah bad khynra naphang ia ki riti dustur jong ka jaitbynriew naduh ka shongkha shongman, ka ioh bad ka hiar pateng bad ka jinglaitluid ha ka rukom ngeit.
Katba u MDC uba shu thung u bah Bindo M Lanong, u la ong ba hadien 76 snem dei tang tang kane ka sorkar kaba nud ban wanrah ia ka jingthmu ban pyntreikam ia ka UCC ha ka ri India baroh kawei.
Pule ruh: Rah u Bah Daniel & Kong Balarisha iaka nam lahduh haka Shillong 10K Run
 hynne ka sngi Saitjai kala mynjur iaka Resolution ban pyrshah jur ia ka jingthmu ka sorkar pdeng ban pyntreikam ia ka Uniform Civil Code (UCC) ha ka ri, namar kane kan pynduh pyndam ia ki riti dustur, ka dustur shongkha shongman jongka jaidbynriew.){kind=link}