Shillong, Lber 10 : U Myntri ka Tnad Bording Abu Taher Mondal ha ka sngi Nyngkong, ula pyntip ba ka DoNER Ministry kala ai jingmynjur ia ka mang tyngka ba thymmai (revised cost) ban kyntiew kyrdan ia ka Mawlai Sub Station n aka 3×20 MVA sha ka 3×50 MVA.
Kat kum ka jingong jong u, kane ka project ka dei kala tyrwa ban pytrei hapoh ka NESIDS-OTRI ia kaba la mang nyngkong T.49.8 klur bad mynta la pynthymmai sha ka T.79.23 klur. Ka DoNER Ministry kala ai jingmynjur ia kane ha ka 16 tarik Kyllalyngkot, 2025.
Haba jubab hapoh ka Iingdorbar ha ka kynta kylli jingkylli, u Mondal ula ong “Namar ka jingkiew dor jong ka project, ka bhah ka Sorkar Pdeng ka la kut ha ka jingmang tyngka bala mynjur nyngkong kaba long T.49.8 klur bad ia ka jinglut kaba tam ba T. 29.43 klur la hap ban sei da ka Sorkar Jylla”.
U pyntip ba ia kane ka project la pyntrei da ka Meghalaya Power Transmission Corporation Limited (MePTCL).
Halor ka jingkylli jong u MLA ka Mawlai, u Mondal ula kular “Ngin pyrshang ban peit ba kane ka project kan dep noh kloi naba kane ka sub station (Mawlai) ka dei kaba kongsan bha ia ka Nongbah Shillong”.
 ban kyntiew kyrdan ia ka Mawlai Sub Station n aka 3x20 MVA sha ka 3x50 MVA.){kind=link}