Shillong, Lber 12 : U Deputy Speaker ka Iingdorbar Thaw Ain ka Jylla Timothy D Shira ha ka sngi Balang, ula mudui da ka mukotduma pynmynrain khmat (defamation case) pyrshah ia arngut ki briew kiba kynnoh ia u ba u long pyrshah ia ka jingdawa pynkha ia ka Winter Capital ha Tura, West Garo Hills lyngba ki rynsan Social Media.
Ha kane ka mukotduma, u Deputy Speaker ula dawa kine ki nongpynthohbria ia u, ki dei ban siew ia ka jingpynjah burom kaba mar T.100 klur-kaba long baroh T.200 klur
Kine ki arngut kiba shah mudui mukotduma ki dei ka Mikkanchi R Sangma ba na Darangiri, Goalpara District, Assam bad u Balsrang Marak ba na Thapa Darenchi, North Garo Hills. Ia ka mukotduma la mudui ha ka Kashari u Chief Judicial Magistrate, Shillong.
Haba kren sha ki nongthoh khubor, u Shira ula ong “Nga la mudui ia ka criminal defamation case pyrshah ia kine ki arngut namar kila pynsaphriang ha YouTube haba iadei bad ka jingkren jong nga hapoh ka Iingdorbar ba iadei bad ka jingpynbna ia ka Tura kum ka Winter Capital”.
“Khlem da tip pura ia kaei kaba nga kren hapoh ka Iingdorbar, kila pynmih khubor ha YouTube ba nga long pyrshah ia la ka jong ka Jaidbynriew, ba nga long pyrshah ban pynlong ia ka Tura, ka Winter Capital bad u ong ba u pynrem jur ia nga namar ka jingkyrngah ban iatreilang bad ka Jaidbynrew” ula bynrap.
U Nongiasaid Ain u Shira ula ong “Mynta ka sngi ngi la mudui ia artylli ki mukotduma-kawei ka dei ka defamation (pynjah burom) bad kawei ka dei ka criminal defamation. Ha ka criminal defamation lada kim lah ban pynshisha ia ki jingkynnoh ki lah ban shah pynshitom kat kum ki ain kam bymman bad ngi la mudui ruh ia ka mukotduma ba dawa bai mynrainkhmat ba T.100 klur na baroh arngut bad kane ka long namar ba kila batai bala ia kaei kaba u Deputy Speaker ula kren hapoh ka Iingdorbar”.
“Kawei na kiba shah mudui ka dei na Assam, ka bym don kam eiei bad ka Meghalaya. Ka ruh kala batai bakla ia ka jingkren hapoh ka Iingdorbar bad kane kala pynjah burom ia uDy Speaker hapoh ka constituency jong u, ha Garo Hills bad namar kata, ula sngewktah bha na kane ka kam jong kine ki arngut bad ta ka daw ula leit tied ia ka jingkhang jong ka Iingkashari da kaba mudui ia kine ki artylli ki mukotduma” ula ong.
 pyrshah ia arngut ki briew kiba kynnoh ia u ba u long pyrshah ia ka jingdawa pynkha ia ka Winter Capital ha Tura, West Garo Hills lyngba ki rynsan Social Media.){kind=link}