Shillong, Risaw 25 : Ka Meghalaya Sarva Shiksha Abhiyan Schools Association (MSSASA) kala file ia ka review petition (mudui ban bishar biang) ha Iingkashari Supreme Court, ba kyntu ban bishar biang ia ka hukum ba 1 tarik Nailar, 2025, kaba pynlong kongsan ia ka Teacher Eligibility Test (TET) ia baroh ki nonghikai ba don ha ka kam, kam pher ia u snem ba kila ai jingshakri.
U President ka MSSASA Bah Aristotle C Rymbai ula pynbna ia kane ka review petition la leh ha ka 24 tarik Risaw bad pynpaw ia ka jingsngewnguh ia ka jingkyrshan jong baroh ki nonghikai SSA.
“Ngi wan hangne ban pyntip sha baroh ki nonghikai SSA bad kiwei ki nonghikai ha ka Jylla Meghalaya bad ka MSSASA hynnin ka sngi kala file ia ka review petition ha Iingkashari Supreme Court” ong u Bah Aristotle.
Ka hukum ka IIngkashari Supreme Court ka dei kaba la pynshong nongrim na ka jingpynbna ka National Council for Teachers Education u snem 2010 bad ka Amendment jong ka Right to Education (RTE) Act, 2017.
Ula pynkynmaw ba ka Tnad Pule Puthi ha ki snem bala lah, kila pyllait ia ka jingtreikam ka TET (MTET) ia ki nonghikai kiba la thungkam hashuwa ka 23 tarik Nailar 2010. Hynrei, ka hukum ba dang shen kala pyniap noh ia kane, bad wanrah ia baroh ki nonghikai ba don ha ka kam ba ki dei ban pass ia ka TET.
Ka MSSASA kala iasaid ba ka jingpyntreikam ia ka hukum naduh ki snem bala leit noh kan ktah jur bha ia ki nonghikai kiba la shakri slem ha ka kam.
U Bah Aristotle ula pyntip ba ka Association kan sa pyntip sha ki nonghikai ia kaei kaba jia ba man halor kane ka mukotduma ha ki sngi ban nang wan.
 kala file ia ka review petition (mudui ban bishar biang) ha Iingkashari Supreme Court, ba kyntu ban bishar biang ia ka hukum ba 1 tarik Nailar, 2025, kaba pynlong kongsan ia ka Teacher Eligibility Test (TET) ia baroh ki nonghikai ba don ha ka kam, kam pher ia u snem ba kila ai jingshakri.){kind=link}