spot_img

Mudui ka HSYF ba kynnoh pynjulor ka kompani dewbilat ia ka khlaw ha Elaka Sutnga

Date:

Share post:

Shillong, Jylliew 10: Ka Hima Sutnga Youth Federation (HSYF) kala dawa naka Sorkar Jylla ba kan bthah iaka Company Cosmos Cement Ltd ba kan sangeh mardor ha ka ban pynjot pynjulor iaki khlaw ki btap hapoh ka Elaka Sutnga, East Jaintia Hills.

Ka Company Cosmos Cement Ltd la kynnoh ba kala pom iaki dieng, tih khyndew, maw bad shyiap bad ka jingkhlong Mawshun naka khlaw hapoh ka Elaka Sutnga.

U President ka HSYF Bah Nangbha Nongtdu, ula kam baka jingheh jong ka khlaw kam duna iaka 2-3 kilometer kaba la tip kum ka Bthar, kaba hap ha ki shnong Umthe, Umkboh, Tongspo bad Umshngain.

U Bah Nangbha ula kynnoh ba iaka Company Cosmos Cement Ltd, la ai jingbit da u Acting Doloi ban pyntrei ha kane ka khlaw.

Ula iathuh baka khlaw ka hap haka jingpeit jong ka Elaka Sutnga bad kala dep lum iaka Dorbar bad la rai ban nym shah ban tih marpoh khyndew ne pom iaki dieng hynrei tad haduh mynta ka Company Cosmos ka dang bteng ban pynjot iaki khlaw ki btap ha kane ka khlaw.

“Kum ki paidbah ngim kwah ban shim iaka ain ha kti namar kata kum u President ka HYSF nga kyrpad iaka Sorkar Jylla bad iaki bor ba dei khmih ba kin peit bad ban khang iaka Company Cosmos Cement Ltd ” la ong u Bah Nangbha.

Share post:

spot_img
spot_img

Popular

More like this
Related

Assam | Pyntip u CM ba dang treikam ka hukum shu siat beit ia ki nongpynkulmar ha ka Durga Puja

Guwahati, Nailar 27: U Myntri Rangbah ka jylla Assam...

Bthah ka GAD ia ki Tnad Sorkar bad paidbah ban pyndonkam ia ka Aadhaar QR Scanner App

Ban khanglad ia ka jingpyndonkam ia ki Aadhaar Card...

Palat 3332 ki skul SSA Primary ba kloi ban aiti pyniaid noh sha ka Sorkar Jylla

Shillong, Nailar 27 : Palat 3332 tylli ki skul...

Sdang pyntreikam ka Sorkar ia ka OBPS ban aplai online ia ka jingbit tei Iing

Shillong, Nailar 27 : Ka Sorkar Jylla kala pynmih...