Shillong, Jymmang 31: Ka tnad Shillong Traffic Police (STP) ka dang ap na ka Sorkar Jylla ba kan ai jingbit na ka bynta ban shim ia ka sienjam ban tehlakam ia ki arshaka kiba kamai beain ha sor Shillong.
Ia kane la iathuh da ki nongialam ka East Khasi Hills Local Taxi Welfare Association (EKHLTWA) ki ba la wan ban ia kynduh ia u Superintendent of Police (Traffic) K Prassad.
Haba kren sha ki lad pathai khubor, u Assistant Organising Secretary ka EKHLTWA Bah Edison Suting iathuh ba ka jingwan ia kynduh bad u SP Traffic ka long halor ka jingioh kem ka Association ia 2 tylli ki kali Taxi kamai ki ba don ia u juh u Registration Number bad ki juh ki sticker na Khyndai Lad.
Ha kane ka sngi, ka Association kala buh ruh ka jingujor halor ki arshaka kiba kamai khlem ki permit ha Sor Shillong bad iathuh ba Shillong Traffic Police ka dang ap ia ka jingbit na ka Sorkar ban tehlakam ia ki kali arshaka kiba kamai beain.
Halor ka jingkem ia ki 2 tylli ki taxi, u Bah Edison ula iathuh ba kane ka jingjia kam dei satia kaba jia ha ka sien kaba nyngkong hynrei kala jia la bun sien bad ki don bun ki kali kamai kiba leh be-aiñ.
“Namar kata ka Association kala kyntu jur ia ka tnat Shillong Traffic Police ban shimkhia ban pynlong ka jingtalasi bad khynra ia ki kali, ki kot ki sla khnang ba kan ym jia shuh nangne shakhmat” la ong u Bah Edison.
U Bah Edison ula iathuh ba ka jingioh tuh ia ka sticker ban tah ha ki kali kadei namar ba don ki riew shim kabu kiba phah shon tuh ban die ha ka dor kaba T. 4000 hajar bad T. 5000 kawei ka sticker, watla ka dor kaba shisha kadei tang T.150 kawei.
 ki ba la wan ban ia kynduh ia u Superintendent of Police (Traffic) K Prassad){kind=link}