Shillong, Rymphang 13: Kawei ka samla lud kaba dang 19 snem ka rta ka ujor daka ejahar pyrshah ia u trai pynïaid ïalehkai kilan met ne ka Gym ïa uba la tip kyrteng u Raju Baruah halor ka jingkynnoh ba ula jrong kti iaka.
Haka ejahar kane ka samla kala iathuh ba kane ka la jia ha ka 10 tarik mynta u bnai haka por 4:15 janmiet haka ba u Raju Baruah ula pynbor ia kane ka samla ban tah umphniang ia kamet namar ka lah bun tang da ka khleiñ.
Kane ka samla kala iathuh kala kyntait ban tah umphniang da u Raju ne hynrei u la pynthiah jubor ban kyllan umphñiang ïa ka met, bad tan ïa ka patlun bad jrongkti iaka bad hadien ka jingiaksaid ka la lait bad kala phet noh sha surok bad kala phone iaka kmie kaba la wan mar mar ban iarap iaka.
Kala kam ruh ba une u Raju Baruah u la ju mlien ban leh ïa kine ki kam ïa kiwei pat ki kynthei hynrei kiba bun ki tieng ban pynpaw pyrthei.
Na ka liang jong kane ka samla ha ryngkat ki ba ha ïng hasem baroh ki kwah ba ia une u briew kim dei shuh ban pyllait na patok hynrei kidei ban set beit shi syndon.
